THE SUPER TRAMP

ചില രാത്രികൾ നമ്മെ പ്രതീക്ഷിക്കുന്നതിലേറെ ചിന്തിപ്പിക്കും. അവ എവിടെയോ കുഴിച്ചുമൂടപ്പെട്ടതോ, ചിന്തിച്ചു തളിർത്ത്‌ പിന്നീട് മണ്ണുമൂടപ്പെട്ടതോ ആയ ചിന്തകളെ വേരോടെ വലിച്ചു പുറത്തിട്ടു വീണ്ടും ദൃഢമായി മനസ്സിൽ നട്ടുപിടിപ്പിക്കും. ഇങ്ങനെ സംഭവിക്കുന്നതിന്റെ കാരണത്തെ superstitious മണമോ നിറമോ രുചിയോ  ഇല്ലാതെ  ഞാൻ ചിത്രശലഭ പ്രഭാവം അഥവാ butterfly effect എന്ന് വിളിക്കാൻ ആഗ്രഹിക്കുന്നു. 

ആ നിമിഷത്തിലേക്കുള്ള എത്തിച്ചേരൽ എപ്പോഴും കയ്പ്പേറിയ ചവര്പ്പിന്റെ അസംതൃപ്തിയിലാണ്ട നിമിഷങ്ങളിലൂടെയാണ്. 'അസംതൃപ്തി' ഒരു അമീബ പദമാണ്. ഓരോ സങ്കല്പങ്ങളുടെ ആശയാകൃതിക്കനുസരിച്ചു അതിന്റെയും ഉള്ളടക്കത്തിന്റെയും ആകൃതി നിര്ണയിക്കപ്പെടുന്നു.ഇവിടെത്തെ ആഴം എന്നുപറയുന്നത് existence എന്നുപറയുന്നതിന്റെ അസംതൃപ്തിയാണെന്നു വളച്ചുകെട്ടി പറഞ്ഞിരിക്കുന്നു.

മാറിപ്പോയ ശരീര ഘടികാരത്തിന്റെ അലാറം ഉച്ചക്ക് അടിച്ചതുമുതൽ,ഭക്ഷിച്ച ഭക്ഷണത്തിന്റെ ഊർജ്ജത്തിനാലും, കണ്ണിലൂടെയും മറ്റു  ഇന്ദ്രിയങ്ങളിലൂടെയും നടത്തിപ്പോന്ന ആ ഊർജ്ജ ചെലവിടൽ പ്രക്രിയയിലൂടെയും existential പുച്‌ഛം സ്വാഭാവികമായി അതിരുകടക്കുകയും അതിനെ താത്കാലികമായി മുറിച്ചെറിയാൻ പനിക്ക് പാരസെറ്റമോൾ എന്ന പോലെ സിനിമയെ ചലിപ്പിക്കേണ്ടി വന്നു.

അര, മുക്കാൽ കഴിച്ച ആ പാരസെറ്റമോൾ പുച്ഛത്തെ തലച്ചോറിൽനിന്ന് ഒളിപ്പിച്ചു കുറെ ശർദി തന്നപ്പോൾ ഒരു നല്ല ശമനത്തിനായ് ചില പരതലുകൾ ആഴത്തിൽ പരതിയപ്പോൾ strike ചെയ്തു ചെന്നെത്തിയതിനെ രണ്ടു കുത്തു കുത്തി തുറന്നപ്പോൾ 'Into the wild' എന്ന പേരിൽ, എന്തിനു ഇതിനെല്ലാം തുനിഞ്ഞോ അതിനെ മുൻപ് പറഞ്ഞ മുളച്ചു മണ്ണുമൂടിപ്പോയതിനെ പൂർവ്വാധികം ശക്തിയോടെ പുറത്തേക്കു വലിച്ചിടൽ പ്രക്രിയയാക്കിമാറ്റി.ഒരു നെല്ലിക്ക രുചിപോലെ കയ്ച് മധുരിച്ചു നിന്ന അവസ്ഥ പിന്നീട് ഒരു നെല്ലിക്കകൂടി കടിച്ചു കയിപ്പിലെത്തി മധുരം അല്പം ദൂരെയായ അവസ്ഥയായി. ഇനി അല്പം മധുരിക്കണമെങ്കിൽ എന്നിലെ super-tramp'നെ സംതൃപ്തപ്പെടുത്തേണ്ടിയിരിക്കുന്നു ഇന്നലകളിലെന്ന പോലെ. പക്ഷെ കുറേക്കൂടെ ആഴത്തിൽ. 'Into the wild' അവസാനം മാത്രമാണ് ആ അറിവ് തന്നത്. Christopher McCandless അഥവാ Alex supertramp എന്ന ജീവിച്ചിരുന്ന ആ പ്രതിഭാസത്തെ കുറിച്ചുള്ള അറിവ്. 'Open to experience' എന്നതിന്റെ ഒരു കുത്തൊലിപ്പാണ് അദ്ദേഹം. സിനിമയിലെ ഓരോ സംഭാഷണങ്ങളൂം narrations'ഉം ഞാനായി മാറുന്ന അനുഭവമായിരുന്നു. യാത്രകളെയും അനുഭവങ്ങളെയും പ്രണയിക്കുന്ന ഓരോരുത്തർക്കും തങ്ങൾ ആ അലക്സ് സൂപ്പർട്രാംപ് ആയി മാറുന്നത് കാണാൻ സാധിക്കും.

യാത്രകളെ കേവലം സെല്ഫികള്ക്കും സ്റ്റാറ്റസുകൾക്കും വീമ്പുകൾക്കും മാത്രമായി കാണാത്ത, യാത്രകളെ,യാത്രകളിൽ ജീവിക്കാൻ genuinely ആഗ്രഹിക്കുന്നവർ കണ്ടാൽ മുഴുവനായി ഉൾക്കൊള്ളാനാവുന്ന ഒരു ചിത്രം.

"If we admit that human life is ruled by reason, the possibility of life is destroyed"

 അത്ഭുത കണ്ണ്

പ്രണയം എപ്പോഴാണ് നമുക്ക് ലഹരിയായ് മാറുന്നതെന്ന് പറയാൻ വളരെ പ്രയാസം. ഓർമകളും അനുഭവങ്ങളും സുഗന്ധവും നേർത്ത കുളിർകാറ്റും സംഗീതവും സന്തോഷവും അങ്ങനെ എല്ലാ ലഹരിയും ഒരുമിച്ചു പുണർന്നു പേരറിയാത്ത എന്തോ ഒന്ന് സമ്മാനിച്ച് ജീവിതത്തിനു വേറൊരു തലം  കാട്ടി തന്നു പെട്ടെന്ന് പെയ്തൊഴിയുന്ന ഒരു മഴയുടെ കുളിർ പോലെ സുന്ദരം. ആ കുളിർ പിന്നെയും പിന്നെയും കൊതിച്ചു ഓടുന്ന മനസ്സിനെ ഒരു അത്ഭുതകണ്ണോടുകൂടി ഒരു കുഞ്ഞിന്റെ ഉത്സാഹതയോടു ഉപമിച്ചു പുറത്തു നിന്ന് നോക്കി കാണുമ്പോൾ അതിനു അതിലേറെ സൗന്ദര്യം. ഇങ്ങനെ ഓരോ സമയം ഓരോരോ അനുഭവങ്ങൾ സമ്മാനിച്ച് പ്രണയം നമ്മെ അത്ഭുതപെടുത്തികൊണ്ടിരിക്കും. തന്നിലെ പുതുമയാർന്ന ഒരു വ്യക്തിയുടെ ജനനം, അത് വരെ ജീവിച്ചു കൂട്ടിയ കൂട്ടുകാരിക്ക് അല്ലെങ്കിൽ കൂട്ടുകാരന്   ഒരു വലിയ കൂട്ടായ് മാറുന്ന നിമിഷം,

THE VACUUM MOTIVES

പ്രേരണകൾ പലതാണ് പലതിനും. ചിലപ്പോൾ ഒറ്റ നോട്ടത്തിൽ തിരിച്ചറിയാൻ സാധ്യമായ പ്രേരണകൾ, മറ്റുചിലപ്പോൾ ഉത്ഭവത്തിന്റെ ഒരു വരപോലും തെളിഞ്ഞുതരാതെയുള്ള പ്രേരണകൾ. അതുമല്ലെങ്കിൽ തിരിച്ചറിഞ്ഞു എന്നാൽ പകുതി മാഞ്ഞ ഒരുതരം ഇതിനെല്ലാം ഇടയിലുള്ളവ.

ഇതൊന്നുമല്ലെങ്കിൽ സബ്ജെക്ടിവിറ്റിയെ പഴിക്കാവുന്ന ഇതിനെല്ലാം 'അതീതം' എന്ന് ഒറ്റ വാക്കിൽ കാരണമായി കൂവാവുന്ന ഒന്ന്.

പ്രേരണകളുടെ ഉത്ഭവം പോലെതന്നെ പ്രധാനം പ്രേരണകളുടെ ഫലപ്രതിഭാസങ്ങൾ. ഉത്ഭവ തിരിച്ചറിവുള്ള പ്രേരണകളുടെ ഫല പ്രതിഭാസങ്ങൾ അർഥങ്ങൾ നൽകിയേക്കാം. ഉത്ഭവ തിരിച്ചറിവ് പകുതി മാഞ്ഞ പ്രേരണകളുടെയും അത്തരം ഫലപ്രതിഭാസങ്ങൾ അർത്ഥങ്ങൾക്കു വിധേയമാക്കാവുന്നതാണ്.അതുപോലെ 'അതീത' പ്രേരണകളും. എന്നാൽ ഉത്ഭവവും ഉല്പത്തിയും വരയും കുറിയും ഒന്നുമറിയാത്ത , പ്രത്യേകിച്ച് ഒരു പേരുപോലും ഉച്ചരിച്ചു നല്കാനില്ലാത്തതിനെ കുറിച്ചുള്ള ചിന്തകളാകുന്നു ശൂന്യതയിൽ ചാലിച്ചു എവിടെയോ എഴുതപ്പെട്ടത്.

അത്തരം ഒരു ശൂന്യ ചിന്തയാവാം ഇത് എഴുതാനും പ്രേരണയായത്.

വായിക്കപ്പെടുമ്പോൾ ഇത് പലതായ ഉൾതിരിഞ്ഞ ചിന്തകളാവുന്നതും  നിങ്ങളുടെ പ്രേരണകൾക്കനുസൃതം.

അവക്കെല്ലാം ഇടയിൽ അനുഭവപ്പെടുന്നതെന്തോ അതാണ് ശൂന്യ പ്രേരണകൾ, the vacuum motives !!!

              അനേകത്തിൽ ഒരു തലം 

നിറങ്ങൾ, മണങ്ങൾ, അനുഭൂതികൾ, ചിന്തകൾ , ചിന്തയിലൂടെ ഉത്ഭവിക്കുന്ന അവർത്തനമാം പ്രവൃത്തികൾ . സ്വന്തമെന്നു കരുതുന്ന സുഖങ്ങൾ ...തനിക്കു അന്യമെന്നു കരുതുന്ന ദുഃഖങ്ങൾ...

എല്ലാറ്റിനെയും പുറമെ നിന്ന് വീക്ഷിക്കാമെന്നു തോന്നുന്ന അകക്കണ്ണുകൾ, അതിന്റെ കാഴ്ച നഷ്ടപ്പെട്ടും  നഷ്ടപെടുത്തിയും അതറിയാതെ മനസ്സ് നടത്തുന്ന സഞ്ചാരങ്ങൾ, അവയുടെ നഷ്ടങ്ങൾ, കണ്ടും കെട്ടും ചെയ്തിരുന്നവ അനുഭവത്തിലൂടെ തൊട്ടറിയുമ്പോൾ ഉണ്ടാകുന്ന ഏതോ ഒരു വികാരം. ആ വികാരത്തിനെ തിരിച്ചറിയൽ... അതായിരിക്കാം ജീവിത ആസ്വാദനത്തിന്റെ ഒരു തലം .